Donostia Kultura
Donostiako Udala

Errepresioa eta zentsura artean

Afterimage / Powidoki

Filma:
Afterimage / Powidoki

1932an Stalinen gobernuak Sobietar Batasuneko adierazpide artistiko ororentzat inposatu zuen errealismo sozialista, eta baztertu egin zituen burgestzat hartutako beste adierazpide batzuk. Korronte horren helburua da balio komunistak artean irudikatzea, populazioa heztea eta klase kontzientzia bultzatzea, iraultza idealizatuz eta proletarioak, nekazaritzakoak nahiz industriakoak, goraipatuz, euren erremintekin eta laneko jantziekin erretratatuta, miresteko moduko irudi bat balira bezala.

Sobietar Batasunak bere eraginpean zituen gainerako estatu sozialistetara zabaldu zuen politika hori, Poloniako Herri Errepublikara, besteren artean.

Polonia sobietartzeko prozesuan, emakumezko eta gizonezko abangoardiako artistak, haien artean Strzemiński, behartu egin zituzten errealismo sozialista berenganatzera. Inposizio horri aurre egitera ausartu zirenek zentsurak eta marjinazioa jasan behar izan zituzten agintarien aldetik.

b-afterimage 3

Filma: Afterimage / Powidoki