Donostia Kultura
Donostiako Udala

Giza Eskubideen Zinemaldiaren Saria 2017

deepa web
Deepa Mehta

Deepa Mehta zuzendaria ezinbesteko zinegile bilakatu da azken hiru hamarkadetan egin izan dituen filmekin. Indian jaioa, New Delhin filosofia ikasi ondoren Kanadara joan zen bizitzera, eta bertan bizi da hirurogeita hamarreko urteetatik, bere sorlekua eta bertako jendea badira ere bere lan gehienen protagonistak.

Bere aurreneko filmetik –Sam & Me (1991)– bere azkeneko filmeraino –Anatomy of Violence (2016), Indiako taldeko bortxaketen gaira hurbiltzen dena–, mundu osoko zinemaldietan saritu eta proiektatu izan dira bere lanak. Mehta nazioartean da ezaguna bere Trilogia Elementalagatik – Fire (1996), Earth (1998) eta Water (2005)–, Asiako herrialdeko momentu historiko jakin batzuetan gertatutako istorioetara hurbiltzen diren filmak izanik.

Adin desberdinetako emakumeen arteko adiskidetasunaren istorioa Camilla (1994), indarkeria matxistaren drama Heaven on Earth (2008), Salman Rushdieren nobela klasikoaren egokitzapena Midnight’s Children (2012) edo kaleko gaizkile taldeei buruzko istorioa Beeba Boys (2015) dira, besteak beste, emakume honen ibilbidea osatzen dutenak, kontuan izanik bere filmek beti egin izan diela aurre tradizioei eta estereotipoei modu arriskutsu, ausart eta probokatzaile batean.

Bere alderdi artistikoan nahiz pertsonalean era guztietako problematika sozialei etengabe so egiten dien zinegile honek sari ugari lortu izan ditu, besteren artean, Canadian Centre of Diversity-ren Arteetako Bikaintasun Saria edo Ontarioko Ordena. 2013an Order of Canada-ko Ofizial izendatu zuten, herrialdeko sari zibil gailenena, “gidoigile, zuzendari eta ekoizle iraultzaile” honek egin izan duen lanagatik.

2016w-gatlif
Tony Gatliff
2015portillo web
Lourdes Portillo
2014gued
Robert Guédiguian
2013patricio-guzman
Patricio Guzmán
2012iciar-bollain
Iciar Bollain
2011kim-longinotto
Kim Longinotto
2010goran-paskaljevic
Goran Paskaljević
2009jose-luis-borau
José Luis Borau
2008elias-querejeta
Elías Querejeta
2007pilar-bardem
Pilar Bardem