LE COCHON DE GAZA (2011)

Gatazken inguruko elkarpuntuak eta kontraesanak

Frantzia-Alemania-Belgika. Zuzendaria: Sylvain Estibal. Ekoizpena: Franck Chorot, Jean-Philippe Blime, Benito Mueller, Wolfgang Müller, Jean-Jacques Neira, Hubert Toint / Marilyn Productions, Studiocanal, Barry Films, Saga Film, Rhamsa Productions. Gidoia: Sylvain Estibal. Argazkia: Romain Winding. Muntaketa: Damien Keyeux. Aktoreak: Sasson Gabay, Baya Belal, Myriam Tekaïa, Gassan Abbas, Khalifa Natour. Iraupena: 98 min

HIZKUNTZA: arabiera, hebreera / AZPITITULOAK: gaztelania

Ekaitzaren ostean, Jafarrek, Gazako arrantzale palestinarrak, zerri bat topatuko du bere sarean, itsasontziren batetik erorita segur aski. Animalia ezpurua berehala gainetik kentzea erabakiko du, eta saltzen saiatuko da bere egoera ekonomiko kaskarra hobetu asmoz. Horretarako, Jafar gaixoa abentura harrigarri eta ez oso gomendagarrian murgilduko da. Tragikomedia honetan, Gazako herri txikia eguneroko miseriaren, soldadu israeldarren indarkeriaren eta yihadisten aginduen artean harrapatuta dago; egunez egun bizirauten saiatzen den eta (ia) edozer egiteko prest dagoen arrantzale pobreak irudikatzen du egoera hori.