LES HÉRITIERS (2014)

Hezkuntza eta ikaskuntza kooperatiboa

Frantzia. Zuzendaritza: Marie-Castille Mention-Schaar. Ekoizpena: Marie-Castille Mention-Schaar, Pierre Kubel / Loma Nasha Films, Vendredi Film, TF1 Droits Audiovisuels, UGC, France 2 Cinéma, Orange Studio. Gidoia: Marie-Castille Mention-Schaar, Ahmed Dramé. Argazkia: Myriam Vinocour. Musika: Ludovico Einaudi. Muntaketa: Benoît Quinon. Aktoreak: Ariane Ascaride, Ahmed Dramé, Stéphane Bak, Geneviève Mnich, Noémie Merlant. Iraupena: 100 min

HIZKUNTZA: frantsesa / AZPITITULUAK: gaztelania

Anne Gueguen bere ikasleen arazoez arduratzen den institutuko historia-irakaslea da. Aurten, urtero bezala, Annek gela zaila dauka. Haien materialismoak eta gogo-ezak zapuztuta, ikastetxeen arteko nazio-mailako lehiaketa batean parte hartzeko erronka botatzen die. Bertan, nazien kontzentrazio-esparru batean haur edo nerabe izateak esan nahi zuenari buruzko lan bat egin behar dute. Annek bere energia eta sormen guztia erabiliko du ikasleen arreta erakartzeko eta haiek motibatzeko. Muga-eguna iristen ari den neurrian, gazteak besteengana irekitzen eta euren buruan sinesten hasten dira. Proiektu honek ikasle horien bizitzak aldatuko ditu.