MALLORY (2015)

Pobreziaren zirkulua

Txekiar Errepublika. Zuzendaritza: Helena Třeštíková. Ekoizpena: Kateřina Černá, Pavel Strnad, Helena Uldrichová, Ivana Pauerová / Negativ, Czech Television. Gidoia: Helena Třeštíková. Argazkia: Miroslav Souček, Vlastimil Hamerník, Robert Novák, David Cysař, Jiří Chod, Jakub Hejna. Musika: Tadeáš Věrčák. Muntaketa: Jakub Hejna. Iraupena: 101 min

HIZKUNTZA: txekiera / AZPITITULUAK: gaztelania, ingelesa

Marcela (2007), René (2008) eta Katka (2010) –hainbat urtez jarraitu dituen emakumeen erretratuak– dokumentalen trilogiaren ondoren, Helena Třeštíková zinemagile txekiarra, kasu honetan, Mallory-rengana eta azken hamahiru urteetako bere historiara hurbiltzen da. Denbora horretan, zailtasunez betetako bizitza gogor baten ondoren aurrera ateratzen saiatzen da. Bere bizitza erabat aldatuko duen unea bere semearen jaiotza da. Une horretan drogak laga eta kalea –urte askotan bere etxea izan dena– uztea erabakitzen du. Mallory bere iragana ahazten ahalegintzen da eta, aldi berean, gizartean baztertuta bizi den jendeari laguntzen saiatzen da.

Aukeraketa: One World – International Human Rights Documentary Film Festival (Praga, Txekiar Errepublika)