Berriak

Joan den Donostiako Giza Eskubideen 14. Zinemaldian, DSS2016EUk eta Zinemaldiak berak antolatuta egin zen Donostiako Giza Eskubideen Zinemaldiko Nazioarteko Gazte Topaketan parte hartu zuten 30 gazteen lanak maiatzaren 31tik ekainaren 7ra izango den Buenos Airesko Giza Eskubideen 17. Zinemaldiko Eskola Sailean proiektatuko dira.

Ainara Urartek eta Aritz Fernándezek, Donostiako Giza Eskubideen 15. Zinemaldiko gazte epaimahaikideak, FiSaharan parte hartzeko aukera izango dute. Saharako Nazioarteko Zinemaldia Dajlako kanpamenduan (Tindouf, Arjelia) egingo da, 2018ko apirilaren amaieran. Fisahara da errefuxiatuen kanpamendu batean ospatzen den zinemaldi bakarra.

Donostiako Udaleko Giza Eskubideen Atalak eta Donostia Kulturak antolatutako Donostiako Giza Eskubideen 15. Zinemaldia ostiralean, apirilak 7, amaitu zen Victoria Eugenia Antzokian. Zinemaldia martxoaren 31tik apirilaren 7ra egin da Victoria Eugenia Antzokian (zinemaldiaren egoitza nagusia) eta hiriko beste hainbat eszenategitan.

The Eagle Huntress (Otto Bell; AEB, 2016) filmak Ikusleen Saria irabazi du gaur amaituko den Donostiako Giza Eskubideen 15. Zinemaldian.

Deepa Mehta zinegileak jasoko du Donostiako Giza Eskubideen 15. Zinemaldiaren Saria (martxoak 31 – apirilak 7). Sariaren entrega ostiralean, apirilak 7, 20:00etan Victoria Eugenia Antzokian ospatuko den bukaera emanaldian izango da.

Urtero bezala, Giza Eskubideen atalak eta Donostia Kulturaren laguntzarekin, Artea eta Giza Eskubideak, Haur eta Gazteen XIII. ekitaldiko erakusketa ireki zuen atzo, Victoria Eugenia Antzokian dagoen Giza Eskubideen zinemaldiko informazio bulegoan (sarrera Okendo Plazatik).

Donostiako Giza Eskubideen Zinemaldiak Kolonbia, bake iheskorra erakusketa hartu du bere baitan: erakusketa berri bat, zinemaldian eskainitako beste jardueren artean, Latinoamerikako herrialde horretan mende erdi baino gehiago iraundako borroka iruditan jasotzen duena. Nazioarteko Amnistiak ekoiztua, Liburutegi Nagusian (Alderdi Eder) egongo da ikusgai apirilaren 12ra arte.

Clash / Eshtebak (2016) film egiptoarrak, Mohamed Diab-ek zuzenduak, emango dio hasiera, martxoaren 31n, Victoria Eugenia Antzokian, Donostiako Giza Eskubideen 15. Zinemaldiari, hiriko Udalaren Giza Eskubideen Sailak eta Donostia Kulturak antolatutakoari. Kristina Grozeva-n eta Petar Valchanov-en Un minuto de gloria (Slava, 2016) film bulgariak itxiko du zinemaldia.

Giza Eskubideen 15. Zinemaldiarekin batera prestatutako Emeek emana erakusketa, zabalik egongo da martxoaren 23tik maiatzaren 7ra arte Aiete Kultur Etxean.

Giza Eskubideen 15. Zinemaldiarekin batera prestatutako jardueren artean, FNAC-n Cuban Muslims, Tropical Faith erakusketa zabalik egongo da martxoaren 16tik apirilaren 25era.