"Diez años y divorciada" filmak Giza Eskubideen XIV. Zinemaldian Ikusleen Saria lortu du

2016.04.22

Diez años y divorciada (Khadija Al-Salami; Yemen-Frantzia-Arabiar Emirerri Batuak, 2015) filmak Ikusleen Saria irabazi du gaur amaituko den Donostiako Giza Eskubideen XIV. Zinemaldian. Filma, Splendor Films ekoiztetxeak banaturik, irailaren 9an estreinatuko da Estatuan.

Hemal Trivedi-en eta Mohammed Ali Naqvi-en Among the Believers (AEB-Pakistan, 2015) pelikulak Amnesty International erakundeak banatzen duen Film Onenari Saria irabazi du eta Sergio Milán zuzendariaren Para Sonia (Espainia, 2015) film laburrak Gazte Epaimahaiaren Film Labur Onenari Saria, 3000 euroko ordainsaria duena.

Gau honetan Victoria Eugenia Antzokian banatuko dira sariak eta ondoren Zinemaldiari amaiera emango zaio Fatima (2015) filmaren proiekzioarekin.