martxoa 31 - apirila 72017
martxoa 31 - apirila 7
Mota honetako kultur ekimenetatik baztertuta dauden kolektiboen eskuragarritasuna hobetzeko aurreikusitako jardueren artean, Giza Eskubideen Zinemaldiak Bring the Sun Home pelikularen emanaldia eta, ondoren, mahai-ingurua antolatu ditu Donostiako Espetxean.
Italia. Zuzendaritza: Chiara Andrich, Giovanni Pellegrini. Ekoizpena: Sole Luna – Un ponte tra le culture. Sponsor: Enel Green Power. Argazkia: Chiara Andrich, Giovanni Pellegrini. Muntaketa: Chiara Andrich, Giovanni Pellegrini. Iraupena: 67 min
Argi elektrikorik gabeko El Salvadorreko herri batean bizi diren Maura eta Rosa bi emakume ia analfabeto Indiako Barefoot College-ra heldu berri dira, mundu osoko beste berrogei emakumerekin batera, eguzki-panelak ipintzen ikasteko ikastaro bat egiteko. Inoiz ez dituzte euren familiak hainbeste denbora bakarrik utzi eta ez dute ingelesez hitz egiten. Aldi berean, Peruko hegoaldean, handik itzuli berri diren Jeny-k eta Paula-k erakusten dute Barefoot Collegen ezinezkoa posible bihurtzen dela. Lehen, emakumeak eta amak ziren. Orain, herriz herri panelak ipintzen eta eguzkia etxera eramaten diharduten eguzki-ingeniari ere bihurtu dira.