Los condenados

Desagertuak Argentinan

Martín militante argentinarra izandakoa da eta hogeita hamar urte baino gehiago daramatza Espainian erbesteratuta. Egun batean, adiskide izandako Raúlen deia jasoko du; hark, Argentinara itzul dadin eskatuko dio. Helburua Raúlek Tucumaneko oihanean hasi dituen indusketetan laguntzea da. Indusketa horien bitartez haien kide izandako Ezequielen hondarrak aurkitu nahi ditu. Ezequiel, militarrekin izandako borroka baten ondoren desagertu zen. Bi adiskideek etxe berean bizi beharko dute zenbait egunez, eta ondorioz, urte hauetan beren mundua ikusteko modua asko aldatu dela ohartuko dira. Tentsioak gora egingo du pixkanaka, eta bilaketak aurrera egiten duen heinean, Raúlek eta Martínek Ezequiel zer lekutan dagoen esaten dutena baino hobeto dakitela ikusiko dugu.