Berriak

Donostiako Udaleko Giza Eskubideen Atalak eta Donostia Kulturak antolatutako Donostiako 18. Giza Eskubideen Zinemaldia apirilaren 23tik 30era bitartean egin da. 2020an aurreikusitako edizioa bertan behera utzi zen, eta aurten programazio osoa osasun-egoeraren ondorioz ezarritako murrizketetara egokitu da (segurtasun-neurriak, aforo mugatua, beranduenera amaitzeko ordua...). Hala eta guztiz ere, horrek ez du eragotzi proposamena kalitatezkoa, interesgarria eta konpromiso handikoa izatea.

Montxo Armendariz eta Puy Oria zinegileak jasoko dute Donostiako Giza Eskubideen 18. Zinemaldiaren Saria. Sariaren entrega gaur ostiralean, apirilak 30, 18:00etan Victoria Eugenia Antzokian ospatuko den bukaera emanaldian izango da.

Welcome to Chechnya (David France; AEB, 2020) filmak Giza Eskubideen 18. Zinemaldian Ikusleen Saria Film Luze Onenari lortu du.

Giza Eskubideen 17. Zinemaldiko Artea eta Giza Eskubideak, Haur eta Gazteen 17. ekitaldia erakusketa irekita egongo da apirilak 23tik 30era Zinemaldiaren Informazio Bulegoan (Victoria Eugenia Antzokian).

Nazioarteko lankidetzan jarduten duten 79 euskal GKE biltzen ditu Euskadiko Garapenerako GKE-en Koordinakundeak. Erakunde horrek online jolas bat proposatu du Donostiako Giza Eskubideen Zinemaldiaren programazio ofizialean, apirilaren 23tik 30era bitartean egingo dena.

Giza Eskubideen 18. Zinemaldiko AridA – Bea Rivasen argazkiak erakusketa irekita egongo da apirilak 20tik maiatzak 31era FNAC Donostian.

Giza Eskubideen 18. Zinemaldian, Eskura - Aieteko Giza Eskubideen aldeko Pedagogia-Baliabideen Zentroak antolatutako Giza Eskubideen aldeko Pedagogia-Baliabideen 3. Azokak ingurumena eta giza eskubideak ditu ardatz.

Udal Liburutegi Nagusian (Alderdi Eder) Amnesty Internationalen Emakumeak borrokan erakusketa ikusgai egongo da, apirilaren 15etik 30era. Erakusketak emakumeen giza eskubideak defendatzearren beren askatasuna eta beren bizitza arriskuan jartzen dituzten emakume ausarten historiak erakusten ditu.

Donostiako Giza Eskubideen Zinemaldiaren eskutik eta Jane Goodall Institutuaren aholkularitzarekin, Donostia Kulturak Jane Goodall. Ikertzailea eta bakearen aldeko aktibista erakusketa antolatu du Aiete Kultur Etxean (apirilak 16 - ekainak 13).

Jane Goodall. Ikertzailea eta bakearen aldeko aktibista erakusketan, Asier Iturralde artistaren ilustrazioen bidez, Jane Goodall zientzialari, ingurumenaren aldeko aktibista eta Nazio Batuen Bakearen Mezulariaren bizitza eta ondarea omentzen da.

Yalda, la noche del perdón (2019) filmak, Massoud Bakhshik zuzenduak, inauguratuko du datorren apirilaren 23an Victoria Eugenia Antzokian Donostiako Giza Eskubideen 18. Zinemaldia, Udalak, Giza Eskubideen atalaren bitartez, eta Donostia Kulturak antolatua.

Petit pays (2020) filmak, Éric Barbierrek zuzenduak, emango dio zinemaldiari azkena apirilaren 30ean, Victoria Eugenia Antzokian ere. Bertan ospatuko den galan zinemaldiaren sari berezia jasoko dute Montxo Armendariz zuzendariak eta Puy Oria ekoizleak.