Bulletproof

Segurtasunaren negozioa AEB-etako eskoletan

Dokumental honek aztertu egiten ditu gaur egungo AEBetako eskoletako segurtasuna eta indarkeria moduak nola aldatu diren bertan. Hala, hurbildu egiten da ikasleen eta irakasleen segurtasuna bermatzeko abian jarri diren estrategietara. Eskola bateko ohiko bizimodura hurbiltzen da kamera: kirol entrenamenduak, matematikako klaseak… Orain, ordea, bestelako jarduera batzuk sartu dira, nahitaezkoak bihurtuak: simulakroak egitea eraso posibleen aurrean, metala detektatzeko gailuak sarreretan, segurtasunari buruzko eskolak haurrentzat, suzko armak erabiltzeko prestakuntza irakasleentzat… Indarkeriak eta beldurrak aldatu egin dute bizitza AEBetako eskoletan.