In Search of Monsters

Guantanamoko Espetxea

Mohamedou Slahi giltzapetuta egon zen Guantanamon 14 urtez, eta lehenengo bi urteetan, 2002 eta 2004 bitartean, torturak jasan zituen. Liburu bat idatzi zuen, mundu osoan arrakasta handia izan zuena salmentetan (eta urte batzuk geroago zinemara egokitu zena). Bertan, maskarak eta goitizenak erabiltzen zituzten bere guardiez eta torturatzaileez hitz egiten zuen. 2016an Slahi kartzelatik irtetean eta Mauritaniara itzultzean, John Goetz kazetaria guardia haietako batzuen bila hasiko da Estatu Batuetatik; eta haiekin hitz egin nahi du Slahik. Ez da erraza, ordea, Guantanamoko “proiektu bereziak” izenekoetan lan egin zuten taldeko kideak aurkitzea.