Hirugarren adina hirugarren munduan

Filipinetan amonek familiak zaintzen rol garrantzitsua jokatzen duten gizataldea dira eta begirune, aitortza eta adeitasun handia zor zaie.

NBEren 1982ko Zahartzeari buruzko Biltzarrak Hirugarren Adinakoak direlako pertsonen eskubide-sorta espezifiko bat erabaki zuen, adibidez, familiaren eta komunitatearen zaintza eta babes berezia jasotzea.

Dena den, Asiako herrialde horretan bezala, Hirugarren Munduko beste hainbat tokitan emakume zaharrek txirotasun-ingurune batean bizi behar dute eta, sarritan, senitarteko gazteagoen ardura eta zaintza hartu behar dute beren gain, adina, baliabide ekonomiko urriak eta osasun ahula izan arren.